બોલિવુડ ડેસ્ક, 07 એપ્રિલઃ Tahira Kashyap: આયુષ્માન ખુરાનાની પત્ની તાહિરાને 7 વર્ષમાં બીજીવાર બ્રેસ્ટ કેન્સર થયું છે. કારણે કે આ પહેલા તે વર્ષ 2018માં પણ આ ગંભીર બીમારી સામે જંગ લડી હતી. પરંતુ સાત વર્ષ બાદ ફરી એકવાર તાહિરાને બ્રેસ્ટ કેન્સર થયું છે. આ અંગેની માહિતી ખુદ તાહિરાએ તેને ઈન્સ્ટાગ્રામ પર પોસ્ટ કરીને આપી છે. આ પોસ્ટ પછી ચાહકો તેને હિંમત આપી રહ્યા છે. આ સાથે તેને જલ્દી બરોબર થવા માટે પ્રાર્થના કરી રહ્યા છે. તેના દિયર અપારશક્તિ ખુરાનાએ પણ તેના ભાભીની આ પોસ્ટ પર સ્પેશિયલ કોમેન્ટ કરી છે.
View this post on Instagram
આ પણ વાંચોઃ JDU Muslim Leaders Resign: જેડીયુના 15 મુસ્લિમ નેતાઓએ એકસાથે રાજીનામા આપ્યા, જાણો શું છે મામલો?
તાહિરા કશ્યપે ઈન્સ્ટાગ્રામ પર એક ફોટો શેર કરીને લખ્યું છે કે, ‘સાત વર્ષ સુધી નિયમિત ચેકઅપ કરાવ્યા પછી જે ચિત્ર સામે આવ્યું તેના પરથી પરથી હું એક સલાહ આપવા માંગુ છું કે, સમયાંતરે મેમોગ્રાફી કરાવતા રહેવું જોઈએ. આ મારો બીજો રાઉન્ડ છે, અને હું હજુ પણ મજબૂત છું.’
આ સાથે એક કેપ્શનમાં તેણે લખ્યું છે. ‘જ્યારે પણ જીંદગી આપણને લીંબુ આપે છે, ત્યારે તેનું લીંબુ પાણી બનાવો. જ્યારે જીદંગી તેને ફરીથી તમારા પર ફેંકે છે, તો શાંતિથી તેને તમારી પસંદગીનો કાલા ખટ્ટામાં મિક્સ કરી દો. કારણ કે આ એક રીતે સારૂ છે અને બીજું તમે જાણો છો કે, તમે ફરી એકવાર તમારૂ કરી બતાવશો.’
તાહિરાની પોસ્ટ પર તેના દિયર અપારશક્તિ ખુરાનાએ પણ કોમેન્ટ કરીને તેની હિંમત વધારી હતી. તેણે કોમેન્ટમાં લખ્યું છે કે, ભાભી, અમને ખબર છે કે તમે આમાંથી પણ બહાર નીકળી જશો.”
આ પણ વાંચોઃ Stock Market Crash: આજે ભારતીય શેરબજારમાં મોટો કડાકો, 800 તૂટ્યું નિફ્ટી- વાંચો વિગત