ગાંધીનગર, 28 મેઃ Gujarat Panchayat Election: આજે ગાંધીનગર ખાતે રાજ્ય ચૂંટણી પંચના કમિશનર દ્વારા રાજ્યમાં 2.5 વર્ષથી ખોરંભે મુકાયેલી ગ્રામ પંચાયતની ચૂંટણીઓની જાહેરાત કરવામાં આવી છે. રાજ્યના ચૂંટણી કમિશનર ડો એસ મુરલીકૃષ્ણ ચૂંટણીની જાહેરાત કરતા માહિતી આપી કે આ ચૂંટણી કાર્યક્રમમાં ચૂંટણીનું જાહેરનામું 2જી જૂન 2025ના બહાર પાડવામાં આવશે. જ્યારે ઉમેદવારી પત્ર ભરવાની છેલ્લી તારીખ 9 જૂન 2025 રહેશે. 22 જૂન 2025ના રોજ મતદાન યોજાશે અને મત ગણતરી 25 જૂન 2025ના રોજ થશે. મતદાર યાદીની આખરી પ્રસિદ્ધિ 27 મી મે 2025 ના રોજ કરવામાં આવી હતી અને આજે ચૂંટણી જાહેર કરવામાં આવી છે.
આ પણ વાંચોઃ high lava fountain: હવાઈના કિલાઉઆ જ્વાળામુખી ફાટ્યો, હવામાં 1,000 ફૂટ ઊંચે લાવાનો ફુવારો નીકળ્યો- જુઓ વીડિયો
#Gujarat
8,326 Gram Panchayat elections in Gujarat on June 22. Nominations open till June 9. Vote counting on June 25. Model code of conduct in force from today. @jayanthjacob #GujaratElections #PanchayatPolls2025 #ElectionAlert pic.twitter.com/qiENgHWu8Z— Dilip Kshatriya (@Kshatriyadilip) May 28, 2025
આજથી આચારસંહિતા અમલમાં આવશે.કુલ 8326 પંચાયતોમાંથી 4688 પંચાયતોમાં (સામાન્ય/વિભાજન/મધ્યસત્ર ચૂંટણી) જ્યારે 3638 પંચાયતોમાં પેટા ચૂંટણી યોજાશે.
મહત્વની વાત એ છેકે, પંચાયતોની ચૂંટણીમાં ઈવીએમનો ઉપયોગ થશે નહીં. ઉલ્લેખનીય છે કે ગુજરાતમાં જ 4 હજાર ગ્રામ પંચાયતમાં 3 વર્ષથી વહીવટદાર શાસન ચાલી રહ્યું છે, જેમાં વધુ 1400 પંચાયતોની મુદ્દત 30 જૂને પૂર્ણ થઈ રહી છે.