સુરત, 30 ડિસેમ્બરઃ Chinese Kite Strin: રાજ્યમાં ઉત્તરાયણ પહેલા ચાઈનીઝ દોરી ઘાતક બની રહી છે. સુરતમાં વધુ એક પતંગની દોરીથી કપાતા ગળું કપાયું હોવાની ઘટના સામે આવી છે. બાઈક પર જતા યુવકને ગળામાં દોરી વાગતા યુવક ગંભીર રીતે ઈજાગ્રસ્ત થયો હતો. લોહીલુહાણ હાલતમાં યુવકને હોસ્પિટલ લઈ જવાયો હતો. જ્યાં તેમને ગળાના ભાગે 20 ટાંકા આવ્યા હતા. આ દરમિયાન યુવક દુકાનેથી ઘરે જતો હતો ત્યારે આ ઘટના બની હતી.
મનુષ્ય, અબોલ પ્રાણીઓ અને પર્યાવરણ દરેક માટે ખતરારૂપ એવી ચાઈનીઝ દોરી અને તુક્કલનો ઉપયોગ કરવો પ્રતિબંધિત છે અને સજાપાત્ર ગુનો બને છે.
રાજ્યમાં આવી જોખમયુક્ત વસ્તુઓનું ઉત્પાદન/સંગ્રહ/વેચાણ/ઉપયોગ કરનાર વિરુદ્ધ કડક કાર્યવાહી કરવામાં આવશે. pic.twitter.com/tAkbpTpn2x
— Gujarat Police (@GujaratPolice) December 30, 2024
આ પણ વાંચોઃ Police action plan: 31 ડિસેમ્બરને લઇ પોલીસ એક્ટિવ મોડમાં, 6,000 જેટલા પોલીસકર્મી રહેશે બંદોબસ્તમાં તહેનાત
ઉતરાયણ પર્વને આડે હવે ગણતરીના દિવસો બાકી છે તે પહેલા જ સુરતમાં પતંગની દોરીથી એક યુવકનું ગળું કપાયું હોવાની ઘટના સામે આવી છે. શહેરના કતારગામ ગલેમંડી નજીક રહેતો રાકેશ પરમાર દુકાનેથી બાઈક પર ઘરે જતો હતો. આ દરમિયાન અચાનક પતંગની દોરી તેના ગળામાં ફસાઈ જતાં ગળું કપાઈ ગયું હતું. તે લોહીલુહાણ થઇ જતા તેને 108ની મદદથી સારવાર અર્થે હોસ્પિટલ લઇ જવાયો હતો. જ્યાં પ્રાથમિક સારવાર બાદ યુવકને વધુ સારવાર અર્થે ખાનગી હોસ્પિટલ લઈ જવાયો હતો. જ્યા તેમને ગળાના ભાગે કુલ 20 ટાંકા આવ્યા આવ્યા હતા.