ગાંધીનગર, 28 મેઃ Recruitment Talati: રેવેન્યુ એટલે કે મહેસૂલ તલાટીની ભરતીની તૈયારી કરી રહેલા ઉમેદવારો માટે મોટા સમાચાર સામે આવ્યા છે. ગૌણ સેવા પસંદગી મંડળ દ્વારા 2389 જગ્યા પર ભરતીની જાહેરાત કરવામાં આવી છે. આ માટે 25 મેથી ઓનલાઈન ફોર્મ ભરાવાના શરૂ થશે. નોંધનીય છે કે મંડળ દ્વારા 22 મે, ગુરૂવારે ભરતીના નિયમોમાં ફેરફાર કરવામાં આવ્યો હતો. હવે નવા નિયમ પ્રમાણે આ ભરતી કરવામાં આવશે.
ગૌણ સેવા પસંદગી મંડળ દ્વારા મહેસૂલ તલાટીની ભરતી નવા નિયમ મુજબ થશે. 25 મેથી 2389 જગ્યાઓ માટે ઓનલાઈન અરજી મંગાવવામાં આવી છે. હવે તલાટીની પરીક્ષા માટે માત્ર સ્નાતક ઉમેદવાર ફોર્મ ભરી શકશે. આ પહેલા ધોરણ 12 પાસ ઉમેદવારો અરજી કરી શકતા હતા.
આ પણ વાંચોઃ Hera Pheri 3 Controversy: આખરે પરેશ રાવલે ફિલ્મ હેરા ફેરી 3 કેમ છોડી, કારણ આવ્યુ સામે- વકીલે કર્યો ખુલાસો
#GSSSB Revenue Talati Recruitment 2025 Out for 2389 Posts, Apply Now #Gujarat #GiveRep #Pakistan https://t.co/nDc1pEXlRD pic.twitter.com/eH7kM8YhEd
— schools360.in Official (@schools360in) May 25, 2025
પહેલા રેવેન્યુ તલાટી માટે ધોરણ 12 પાસ ઉમેદવારો અરજી કરી શકતા હતા. તે માટે માત્ર 100 માર્ક્સની MCQ ટેસ્ટ લેવામાં આવતી હતી. ત્યારબાદ કમ્પ્યુટરની પરીક્ષા લેવામાં આવતી હતી. પરંતુ હવે નવા નિયમ પ્રમાણે પહેલા પ્રિલિમ પરીક્ષા યોજાશે. ત્યારબાદ મુખ્ય પરીક્ષા યોજવામાં આવશે. પ્રિલિમ પરીક્ષા MCQ બેઝ્ડ હશે, જેમાં 200 પ્રશ્નો હશે.
આ રીતે પરીક્ષા લેવાશે
મંડળ દ્વારા કરવામાં આવેલી જાહેરાત પ્રમાણે મુખ્ય પરીક્ષામાં કુલ ત્રણ પેપર લેવામાં આવશે. જેમાં ગુજરાતી ભાષા (100 માર્ક્સ), અંગ્રેજી ભાષા (100 માર્ક્સ), જનરલ સ્ટડિઝ (150 માર્ક્સ) આમ કુલ 350 માર્ક્સની રિટર્ન પરીક્ષા લેવામાં આવશે. દરેક પેપર માટે ઉમેદવારને ત્રણ-ત્રણ કલાકનો સમય મળશે.
આ પણ વાંચોઃ Mumbai Indians: IPL 2025 પ્લેઓફ પહેલા મુંબઈ ઇન્ડિયન્સના આ 3 ખેલાડીઓએ ટીમને કહ્યું અલવિદા- વાંચો વિગત