નવી દિલ્હી, 01 ફેબ્રુઆરીઃ Budget 2025: આજે કેન્દ્રીય નાણા મંત્રી નિર્મલા સીતારમણ બજેટ રજૂ કરી રહ્યા છે. આ મોદી સરકાર 3.0નું પ્રથમ પૂર્ણકાલિક બજેટ છે. નિર્મલા સીતારમણે સતત 8મી વખત બજેટ રજૂ કર્યું છે. નાણા મંત્રીએ બજેટમાં તમામ વર્ગોનું ધ્યાન રાખવાનો પ્રયત્ન કર્યો છે.
આ બજેટમાં મધ્યમ વર્ગને મોટી રાહત આપવામાં આવી છે. 12 લાખ રૂપિયા સુધીનો ટેક્સ હટાવી દેવામાં આવ્યો છે. ત્યારે બજેટ અંગે વડપ્રધાન નરેન્દ્ર મોદીએ જણાવ્યું હતું કે, ‘બજેટ 2025 બચત, રોકાણ, વૃદ્ધિ અને વપરાશમાં વધારો કરશે. જનતાના આ બજેટ માટે હું નાણાંમંત્રી નિર્મલા સીતારમણ અને તેમની આખી ટીમને અભિનંદન આપું છું. સામાન્ય રીતે બજેટનું ધ્યાન સરકારી તિજોરી કેવી રીતે ભરવામાં આવશે તેના પર હોય છે. પરંતુ આ બજેટ તેનાથી બિલકુલ વિપરીત છે. બજેટ દેશના નાગરિકોના ખિસ્સા કેવી રીતે ભરશે અને તેમની બચત કેવી રીતે વધશે તેના પર ભાર મૂકાયો છે.’
The #ViksitBharatBudget2025 reflects our Government’s commitment to fulfilling the aspirations of 140 crore Indians. https://t.co/Sg67pqYZPM
— Narendra Modi (@narendramodi) February 1, 2025
આ પણ વાંચોઃ Budget 2025: નિર્મલા સીતારમણે 8મી વખત બજેટ રજૂ કર્યું, જાણો બજેટમાં શું સસ્તું અને શું મોંઘું ?
વડાપ્રધાન નરેન્દ્ર મોદીએ જણાવ્યું હતું કે, ‘પરમાણુ ઉર્જામાં ખાનગી ક્ષેત્રને પ્રોત્સાહન આપવું એ એક ઐતિહાસિક નિર્ણય છે. બજેટમાં રોજગારના તમામ ક્ષેત્રોને દરેક રીતે પ્રાથમિકતા આપવામાં આવી છે. ઇન્ફ્રાસ્ટ્રક્ચરનો દરજ્જો મળવાથી ભારતમાં મોટા જહાજોના નિર્માણને પ્રોત્સાહન મળશે. દરેક વ્યક્તિ જાણે છે કે જહાજ નિર્માણ એ ક્ષેત્ર છે જે મહત્તમ રોજગાર પૂરું પાડે છે. પ્રવાસન એ ક્ષેત્ર પણ છે જે મહત્તમ રોજગાર પ્રદાન કરે છે. આ ક્ષેત્ર, જે ચારે બાજુ રોજગારની તકો ઊભી કરશે, તે ઊર્જાના સ્ત્રોત તરીકે કામ કરશે. આજે દેશ આ મંત્ર સાથે આગળ વધી રહ્યો છે.’
Finance Minister @nsitharaman Ji is presenting the Union Budget in Parliament. https://t.co/3CYGZzC7iO
— Narendra Modi (@narendramodi) February 1, 2025
ખેડૂતો અને ટેક્સને અંગે વડાપ્રધાન નરેન્દ્ર મોદીએ જણાવ્યું હતું કે, ‘બજેટમાં ખેડૂતો માટે કરવામાં આવેલી જાહેરાતો કૃષિ ક્ષેત્ર અને સમગ્ર ગ્રામીણ વ્યવસ્થામાં એક નવી ક્રાંતિનો આધાર બનશે. કિસાન ક્રેડિટ કાર્ડની મર્યાદા વધારીને 5 લાખ રૂપિયા કરવાથી તેમને વધુ મદદ મળશે. આ બજેટમાં 12 લાખ રૂપિયા સુધીની આવકને કરમુક્તિ આપવામાં આવી છે. તમામ આવક જૂથોના લોકો માટે કરમાં પણ ઘટાડો કરવામાં આવ્યો છે. તેનો મોટો ફાયદો આપણા મધ્યમ વર્ગને થશે, જે રોજગાર મેળવનારા લોકો માટે જેમની આવક નિશ્ચિત છે, આવા લોકોને તેનો ફાયદો થશે. આવકવેરામાંથી આ મુક્તિ એ લોકો માટે એક મોટી તક બનશે જેમણે નવી નોકરીઓ મેળવી છે. આ બજેટમાં ઉદ્યોગસાહસિકો અને MSMEને મજબૂત બનાવવા અને નવી નોકરીઓનું સર્જન કરવા માટે ઉત્પાદન પર 360 ડિગ્રી ધ્યાન કેન્દ્રિત કરવામાં આવ્યું છે.
આ પણ વાંચોઃ Budget 2025: બજેટમાં મહિલાઓ માટે મોટી જાહેરાત, ગેરંટી વિના લોન તથા ડિજિટલ ટ્રેનિંગ મળશે- વાંચો વિગત