અમદાવાદ, 12 ઓગષ્ટઃ Job Fraud: પાલનપુરના મલાણા અને દેવપુરા ગામના બે યુવકોએ સિંગાપુરમાં માસિક બે લાખના પગારવાળી નોકરી મેળવવાની લાલચમાં 9.30 લાખ ગુમાવ્યા છે. જેમાં પાલનપુરના કૈલાસનગર વિસ્તારમાં રહેતા ચિરાગ ગાંભવા વિરુદ્ધ સિંગાપુરમાં નોકરી ન આપવા અને બન્ને યુવકોના પૈસા પરત ન આપવા બદલ તેમની સામે છેતરપિંડીની ફરિયાદ નોંધાઈ છે.
આ પણ વાંચોઃ Mohali issues : ભારતના આ બે રાજ્યોમાં લોકોને રાતે 9 વાગ્યા પછી બહાર ન નીકળવાનું ફરમાન જાહેર- વાંચો વિગત
પાલનપુર તાલુકાના મલાણા ગામે રહેતાં મિતુલ મેવાડાને હાર્દિક પ્રજાપતિએ કહ્યું કે, ‘મારા મિત્ર ચિરાગ ગાંભવાની સિંગાપુરમાં લોજિસ્ટિકની અને ઇમ્પોર્ટ એક્સપોર્ટની કંપની ચાલે છે. તારે સિંગાપુર જવું હોય તો કહેજે.’ જેને લઈને આ યુવકે સિંગાપુર જવાની તૈયારી બતાવી હતી.
ત્યારબાદ ચિરાગ ગાંભવાએ મિતુલ મેવાડા સાથેની મુલાકાત બાદ સિંગાપુરના વિઝા, ટિકિટ અન્ય ખર્ચ સહિત 7 લાખ રૂપિયાની માંગણી કરી હતી. જેમાં મિતુલ મેવાડાએ તબક્કાવાર 6 લાખ રૂપિયા આપ્યા હતા. બાદમાં આ યુવક દેવપુરાના ચિંતન પ્રજાપતિ સાથે સિંગાપુર ગયા હતા.