Youtube New Rules

Youtube New Rules: આજથી યુટ્યુબના આ નિયમમાં ખાસ બદલાવ, યુટ્યુબર્સને થશે ખાસ અસર- વાંચો વિગત

ટોપ સ્ટોરી, બિઝનેસ / By /

બિઝનેસ ડેસ્ક, 15 જુલાઇઃ Youtube New Rules: YouTubeએ તાજેતરમાં જ જાહેરાત કરી હતી કે, તે પોતાની પોલિસીમાં ફેરફાર કરવા જઈ રહ્યું છે. આ ફેરફાર બાદ YouTube Channelsની કમાણી પર અસર થઈ શકે છે. તો ચાલો આ અંગે વિગતવાર જાણીએ.

યુટ્યુબની નવી પોલીસીની અસર એવી યુટ્યુબ ચેનલ્સ પર પડશે, જે રિપિટેટિવ અને AI કન્ટેન્ટ તૈયાર કરે છે. આજકાલ ઘણા ક્રિએટર્સ સેમ કન્ટેન્ટ બતાવે છે. યુટ્યુબે આ પ્રકારની સમસ્યાનો સામનો કરવા માટે પોલીસીમાં ફેરફાર કરવાનું એલાન કર્યું હતું.

આ પણ વાંચોઃ Dheeraj Kumar: ફિલ્મ અને ટીવી જગતના જાણીતા ડિરેક્ટર ધીરજ કુમારનું નિધન, ઓમ નમઃ શિવાય, અદાલત જેવા અનેક શો દ્વારા મેળવી હતી પ્રસિદ્ધી

15 જુલાઈ એટલે કે, આજથી યુટ્યુબ પોતાના પ્રોગ્રામ નિયમોને કડક કરવા જઈ રહ્યું છે. આગામી દિવસોમાં પ્લેટફોર્મ પર પણ ફેરફાર જોવા મળશે. યુટ્યુબના નવા નિયમો હેઠળ માસ પ્રોડ્યૂસ્ડ, રિપિટેટિવ અને ઈનઓથેન્ટિક કન્ટેન્ટ્સના Ads Revenueને ઘટાડવામાં આવશે. યુટ્યુબની નવી પોલિસી હેઠળ ચેનલોને મોનેટાઈઝેશન કરવાની શરતોમાં કોઈ ફેરફાર કરવામાં નથી આવ્યો. મોનેટાઈઝેશનની શરતો પહેલા જેવી જ રહેશે. મોનેટાઈઝેશન પોલિસીમાં કોઈ ફેરફાર કરવામાં નથી આવ્યો.

ઉલ્લેખનીય છે કે, યુટ્યુબ સહિત ઘણા સોશિયલ મીડિયા પ્લેટફોર્મ પર AI જનરેટેડ કન્ટેન્ટની સંખ્યા વધી રહી છે. કંપની નવી પોલિસી હેઠળ AI કન્ટેન્ટમાં ઘટાડો કરવા માગે છે અને ઓરિજનલ કન્ટેન્ટને પ્રોત્સાહન આપવા માગે છે. વાસ્તવમાં AI અને Deepfake વગેરેની મદદથી કોઈ એક વ્યક્તિની તસવીરનો ઉપયોગ કરીને તેની સાથે વોઈસ ઓવર સામેલ કરીને ઘણા લોકો અલગ-અલગ પ્રકારના કન્ટેન્ટ બનાવી રહ્યા છે.

આ પણ વાંચોઃ Amrutiya vs Italia: અમૃતિયા-ઈટાલિયાના વિવાદને લઈને ગાંધીનગરમાં હાઇવોલ્ટેજ ડ્રામા, જાણો શું છે મામલો?