નવી દિલ્હી, 02 ડિસેમ્બરઃ Sanchar Saathi App: સંચાર સાથી એપને લઈને ચાલી રહેલા વિવાદ વચ્ચે, કેન્દ્રીય મંત્રી જ્યોતિરાદિત્ય સિંધિયાએ ખુલાસો કર્યો છે. તેમણે કહ્યું કે, આ એપ ન તો કોઈની જાસૂસી કરશે કે, ન તો કોલ મોનિટર કરશે. સિંધિયાએ કહ્યું કે, “જો તમે એપનો ઉપયોગ કરવા માંગતા હો, તો તેને એક્ટિવેટ કરો. જો તમે ન ઇચ્છતા હો, તો તેને એક્ટિવેટ કરવાની કોઈ જરૂર નથી. તે ફરજિયાત નથી. જો તમે ઈચ્છો તો તેને તમારા ફોનમાંથી ડિલીટ કરી શકો છો.”
VIDEO | Parliament winter session 2025: Union Minister Jyotiraditya Scindia (@JM_Scindia) on Sanchar Saathi app said:
“When the opposition doesn’t have an issue, and they want to look for an issue, then we can’t help them find an issue. Our duty is to ensure the safety of… pic.twitter.com/KtD3CVb9Qc
— Press Trust of India (@PTI_News) December 2, 2025
તેમણે ઉમેર્યું કે, એપ જનતા સુધી પહોંચે તેની ખાતરી કરવાની જવાબદારી સરકારની છે, કારણ કે તેનો હેતુ નાગરિકોને છેતરપિંડી, ઓનલાઈન છેતરપિંડી અને સાયબર ક્રાઈમથી બચાવવાનો છે.
આ અગાઉ, કોંગ્રેસના મહાસચિવ પ્રિયંકા ગાંધી વાડ્રાએ મંગળવારે ટેલિકોમ્યુનિકેશન વિભાગના નિર્દેશ પર નવા મોબાઇલ હેન્ડસેટમાં “સંચાર સાથી” એપ્લિકેશન પ્રી-ઇન્સ્ટોલ કરવાની ફરજ પાડવાનો આરોપ લગાવ્યો હતો, તેને “જાસૂસી એપ્લિકેશન” ગણાવી હતી અને સરકાર દ્વારા દેશને સરમુખત્યારશાહીમાં ફેરવવાનો પ્રયાસ કરવાનો દાવો કર્યો હતો. ટેલિકોમ્યુનિકેશન વિભાગે મોબાઇલ હેન્ડસેટ ઉત્પાદકો અને આયાતકારોને નિર્દેશ આપ્યો છે કે, ધ્યાન રાખો કે બધા નવા મોબાઇલ ફોનમાં છેતરપિંડી ચેતવણી એપ્લિકેશન “સંચાર સાથી” પહેલાથી ઇન્સ્ટોલ કરેલી હોવી જોઈએ.
Sanchar Saathi is a snooping app, and clearly it’s ridiculous. Citizens have the right to privacy. Everyone must have the right to privacy to send messages to family and friends without the government looking at everything.
It’s not just snooping on the telephone. They’re… pic.twitter.com/omw2XlD5pq
— Congress (@INCIndia) December 2, 2025
સંચાર સાથી એપ્લિકેશનનો વિરોધ કરતા, કોંગ્રેસના સાંસદ પ્રિયંકા ગાંધીએ કહ્યું કે, લોકોને ગોપનીયતાનો અધિકાર છે. તેમને પરિવારના સભ્યો અને મિત્રોને ખાનગી સંદેશા મોકલવાનો અધિકાર છે, પરંતુ સરકાર તેમના પર નજર રાખવા માંગે છે. કેન્દ્ર સરકારે સરમુખત્યારશાહીનો આશરો લીધો છે. સંસદ એટલા માટે ચાલ્યું નહીં, કારણ કે સરકાર કોઈપણ વિષય પર ચર્ચા કરવાનો ઇનકાર કરી રહી છે. વિપક્ષને દોષ આપવો સરળ છે, પરંતુ સત્ય એ છે કે, કેન્દ્ર સરકાર ચર્ચાને અટકાવી રહી છે.
લોકશાહી જાહેર મુદ્દાઓ પર ચર્ચાની માંગ કરે છે. છેતરપિંડીની જાણ કરવા માટે એક મજબૂત સિસ્ટમ બનાવી શકાય છે, પરંતુ નાગરિકો તેમના ફોન પર શું કરી રહ્યા છે તેનું નિરીક્ષણ કરવું એ એક અલગ બાબત છે. સાયબર સુરક્ષા પર પણ વિગતવાર ચર્ચા કરવાની જરૂર છે. સાયબર સુરક્ષા આવશ્યક છે, પરંતુ તે સરકારને લોકોના અંગત સ્થાન પર આક્રમણ કરવાનું બહાનું આપતું નથી. મને નથી લાગતું કે, કોઈપણ નાગરિક આ સંચાર સાથી એપ્લિકેશનથી ખુશ થશે.
There are many ways in which the Modi govt disrupts democracy, and the Sanchar Saathi app is yet another instrument that diminishes the rights of citizens, just like the SIR.
: MP @RenukaCCongress ji in Rajya Sabha pic.twitter.com/ii6oSAafJs
— Congress (@INCIndia) December 2, 2025
કોંગ્રેસ સાંસદ રેણુકા ચૌધરીએ તેને નાગરિકોના મૂળભૂત અધિકારોનું ઘોર અપમાન ગણાવ્યું છે. મોબાઇલ હેન્ડસેટ પર એપ્લિકેશનના પ્રી-ઇન્સ્ટોલેશનથી વપરાશકર્તાઓના વ્યક્તિગત ડેટા પર સરકારી દેખરેખ વધશે. આ દરમિયાન, ઉત્તર પ્રદેશના સહારનપુરના સાંસદ ઇમરાન મસૂદે કહ્યું છે કે, કેન્દ્ર સરકાર દેશને ઉત્તર કોરિયા બનાવવા માટે તૈયારી કરી છે. સરકાર લોકોના બેડરૂમમાં પ્રવેશવા માંગે છે, પરંતુ અમે તેના નિર્ણયને સ્વીકારીશું નહીં અને જરૂર પડ્યે રાષ્ટ્રીય સ્તરે વિરોધ કરીશું.