ગાંધીનગર, 10 નવેમ્બર : Restaurant: ભારતનું સૌથી પ્રથમ ઓપરેશનલ સ્માર્ટ સિટી અને ઇન્ટરનેશનલ ફાઇનાન્શિયલ સર્વિસીઝ સેન્ટર (આઈએફએસસી) તથા રાષ્ટ્રીય મહત્વ ધરાવતા પ્રોજેક્ટ એવા ગિફ્ટ સિટીએ જાહેરાત કરી છે કે ભારતના અગ્રણી પ્રીમિયમ ફૂડ એન્ડ બેવરેજીસ (એફએન્ડબી) ગ્રુપ્સ પૈકીનું એક બાસ્તિયન હોસ્પિટાલિટી ગિફ્ટ સિટીના સેન્ટ્રલ પાર્ક ખાતે ફ્લેગશિપ ડાઇનિંગ અને લાઇફસ્ટાઇલ ડેસ્ટિનેશન સાથે ગુજરાતમાં પ્રવેશી રહ્યું છે. અહીં બની રહેલું બાસ્તિયન રિપબ્લિક સેન્ટ્રલ પાર્ક ખાતે એક લાખ ચોરસ ફૂટ વિસ્તારમાં એક ફૂડ ઝોન ઓપરેટ કરશે જે તેને ગિફ્ટ સિટીની વધી રહેલી સોશિયલ અને લાઇફસ્ટાઇલ ઇકોસિસ્ટમમાં વધારો કરવામાં એક મહત્વપૂર્ણ સીમાચિહ્ન છે.
બાસ્તિયન રિપબ્લિક ફૂડ ઝોન ઓપરેટ કરશે જેને પબ્લિક પ્લાઝા, ઇવેન્ટ એરિયા, જોગિંગ અને સાયકલિંગ ટ્રેક્સ તથા વાઇબ્રન્ટ સોશિયલ સ્પેસીસની સાથે સેન્ટ્રલ પાર્કના ફેઝ વનના ભાગરૂપે વિકસાવવામાં આવ્યો છે. આ ડેવલપમેન્ટ વ્યવસાય, રહેણીકરણી અને વૈભવતાને સરળતાથી એક કરે તેવા વિશ્વકક્ષાના શહેરી માહોલને ઊભું કરવા માટે ગિફ્ટ સિટીની પ્રતિબદ્ધતા દર્શાવે છે.
ગિફ્ટ સિટીના મેનેજિંગ ડિરેક્ટર અને સીઈઓ સંજય કૌલે જણાવ્યું હતું કે બાસ્તિયનનો ગિફ્ટ સિટીમાં પ્રવેશ એ અમારી વિસ્તરતી જતી સોશિયલ ઇકોસિસ્ટમમાં એક મહત્વપૂર્ણ ઉમેરો છે. બાસ્તિયનના પ્રવેશથી ગિફ્ટ સિટીના લાઇફસ્ટાઇલ અનુભવમાં એક નવું પરિમાણ ઉમેરાશે જેનાથી વ્યવસાયિકો, રહીશો અને મુલાકાતીઓને લાભ થશે. આ ડેવલપમેન્ટ મોર્ડન, વાઇબ્રન્ટ અને ગ્લોબલી કનેક્ટેડ અર્બન સેન્ટર તરીકે ગિફ્ટ સિટીના વિઝનમાં ટોચની બ્રાન્ડ્સના વધી રહેલા વિશ્વાસને દર્શાવે છે.
આ પણ વાંચોઃ Terrorists Arrested: ગુજરાતમાંથી ઝડપાયા આતંકવાદીઓ, પૂછપરછમાં થયા ઘણા ચોંકાવનારા ખુલાસા- વાંચો સંપૂર્ણ વિગત
બાસ્તિયન હોસ્પિટાલિટીના સીઈઓ અને સ્થાપક રણજીત બિન્દ્રાએ ઉમેર્યું હતું કે ગિફ્ટ સિટી ભારતના ભવિષ્યનું પ્રતિનિધિત્વ કરે છે. આ એક એવી જગ્યા છે જે વિઝન, ઇનોવેશન અને વૈશ્વિક મહત્વાકાંક્ષા પર બનેલી છે. બાસ્તિયનને અહીં લાવવાનો અર્થ ફક્ત અમારી હાજરીને વિસ્તારવાનો નથી, પરંતુ એવી વસ્તુનો ભાગ બનવાનો છે જે રાષ્ટ્રની વિકાસ વાર્તામાં ઉમેરો કરે છે. અમારું લક્ષ્ય એક એવું સ્થળ બનાવવાનું છે જે ખરેખર વિશ્વસ્તરનું લાગે તે રીતે ભોજન અને સંસ્કૃતિની ઉજવણી કરે.
સીફૂડ-કેન્દ્રિત રેસ્ટોરાં તરીકેની શરૂઆત કરનારી બાસ્તિયન એક વિવિધ પાસાં ધરાવતી બ્રાન્ડ બની ગઈ છે જે ભારતના સમકાલીન ડાઇનિંગ અને નાઇટલાઇફના બદલાતા દ્રશ્યને રજૂ કરે છે. સમય જતાં બ્રાન્ડે બિઝા ખાતે ઇટાલિયન ભોજન અને ઇન્કા ખાતે પેરુવિયન-એશિયન શૈલીથી લઈને વન સ્ટ્રીટના અમેરિકન કમ્ફર્ટ, બ્લોન્ડી કેફેના આકર્ષણ અને અમ્માકાઈની પ્રાદેશિક પ્રામાણિકતા સુધી તેના રાંધણકળાનો વિસ્તાર કર્યો છે, જે ભોજનથી આગળ વધીને કલા, સંગીત અને સંસ્કૃતિનું મિશ્રણ કરીને અનન્ય અનુભવો બનાવે છે.
દરેક ખ્યાલ બાસ્તિયનના વિઝનને દર્શાવે છે જે ભોજન, સંસ્કૃતિ અને સમુદાયને એક કરે છે તથા તેનાથી આગળ વધે તેવા અનુભવો બનાવે છે. ગિફ્ટ સિટી ખાતેની નવી પ્રોપર્ટીઝ આ ફિલોસોફી પર આધારિત છે, જે એક વાઇબ્રન્ટ જગ્યા રજૂ કરે છે, એવી જગ્યા જે જોડાણને પ્રેરણા આપે છે અને ભોજનથી આગળ વધીને એક અદ્વિતીય અનુભવ પ્રદાન કરે છે.
સેન્ટ્રલ પાર્ક પ્રોજેક્ટ ઉપરાંત, બાસ્તિયન સિટીમાં વધુ એક આઉટલેટ સ્થાપવા માટે ગિફ્ટ સિટીના ડેવલપર્સ સાથે પણ વાટાઘાટો કરી રહી છે, જે ગુજરાતમાં તેની હાજરીને વધુ મજબૂત બનાવશે. આ ગતિવિધિ સાથે, ગિફ્ટ સિટી એક સંપૂર્ણ “live, work, play” ડેસ્ટિનેશન તરીકે તેની ઓળખને મજબૂત બનાવી રહી છે, જે આંતરરાષ્ટ્રીય યુનિવર્સિટીઓ, ફાઇવ-સ્ટાર હોટેલ, ગિફ્ટ સિટી ક્લબ, આગામી રિવરફ્રન્ટ ડેવલપમેન્ટ અને અમદાવાદ તથા ગાંધીનગર સાથે મેટ્રો કનેક્ટિવિટી સહિત વધતા જતા સોશિયલ ઇન્ફ્રાસ્ટ્રક્ચર દ્વારા સમર્થિત છે.
આ પણ વાંચોઃ Gujarat Winter 2025: કમોસમી વરસાદની રાઉન્ડ બાદ હવે ગુજરાતમાં અચાનક ઠંડીનું પ્રમાણ વધ્યુ, વાંચો વિગત