ધર્મ ડેસ્ક, 10 જુલાઇઃ No Salt: જયા પાર્વતી વ્રતનું પાલન કરવાથી અપરિણીત છોકરીઓને તેમના ઇચ્છિત જીવનસાથી મળે છે. પૌરાણિક કથાઓ અનુસાર દેવી પાર્વતીએ ભગવાન શિવને પતિ તરીકે મેળવવા માટે આ વ્રત રાખ્યું હતું. જયા પાર્વતી વ્રતનું પાલન કરવાથી સૌભાગ્ય અને સમૃદ્ધિ મળે છે.
ધાર્મિક માન્યતા છે કે આ દિવસે દેવી પાર્વતીની પૂજા કરવાથી પારિવારિક જીવનમાં સુખ અને સંતાન સુખ પણ મળે છે. પરિણીત મહિલાઓ અખંડ સૌભાગ્ય પ્રાપ્ત કરવા માટે આ વ્રત રાખી શકે છે. જ્યોતિષ શાસ્ત્ર અનુસાર જયા પાર્વતી વ્રત રાખવાથી કુંડળીમાં રહેલા દોષ દૂર થાય છે અને આ વ્રત ગ્રહોની શાંતિ માટે પણ ફાયદાકારક માનવામાં આવે છે.
ધાર્મિક કારણ:
ગૌરીવ્રત અને જયા પાર્વતી વ્રત મુખ્યત્વે ગુજરાતમાં ઉજવવામાં આવતો એક મહત્વપૂર્ણ ઉપવાસ છે. આ વ્રતમાં મીઠા રહિત ભોજનનો ઉલ્લેખ છે, જેનો અર્થ છે સાત્વિક ભોજન, જેમાં કોઈ તામસિક (માંસ, ડુંગળી, લસણ વગેરે) અથવા મસાલેદાર ખોરાકનો સમાવેશ થતો નથી. મીઠા રહિત ભોજન ખાવાથી શરીર અને મન શુદ્ધ થાય છે. જેનાથી દેવી-દેવતાઓના આશીર્વાદ મળે છે.
વૈજ્ઞાનિક કારણો:
નવરાત્રી, ગૌરીવ્રત અને જયા પાર્વતી વ્રત કે અન્ય ઉપવાસ દરમિયાન મીઠું ન ખાવા પાછળ ઘણા વૈજ્ઞાનિક કારણો છે. મીઠું, ખાસ કરીને સફેદ મીઠું, શરીરમાં પાણી જમા થઈ શકે છે, જેના કારણે સોજો આવે છે. ઉપવાસ દરમિયાન મીઠું રહિત ખોરાક ખાવાથી શરીરમાં વોટર રિટેન્શન ઓછી થાય છે. જેનાથી સોજો અને અન્ય સ્વાસ્થ્ય સમસ્યાઓ ઓછી થઈ શકે છે. આ ઉપરાંત મીઠા રહિત ખોરાક હળવો હોય છે. જેનાથી શરીરને હળવાશનો અનુભવ થાય છે અને પાચનમાં સુધારો થાય છે.
જયા પાર્વતી વ્રતમાં મીઠું કેમ નથી ખવાતુ? :
એવું કહેવાય છે કે જે કોઈ પણ આ વ્રત પૂર્ણ ભક્તિથી કરે છે. તેના લગ્ન જીવનમાં ખુશીઓ સ્થાયી થાય છે. જો કે આ વ્રત સાથે જોડાયેલા ઘણા મુશ્કેલ નિયમો પણ કહેવામાં આવ્યા છે. જેમાંથી એક મીઠાનો નિષેધ છે. જયા પાર્વતી વ્રતમાં મીઠાનો ઉપયોગ વંચિત માનવામાં આવે છે.
પૌરાણિક કથા
એકવાર માતા પાર્વતીએ કૈલાશ પર્વત પર બધા દેવી-દેવતાઓને ભોજન માટે આમંત્રણ આપ્યું હતું. બધા દેવી-દેવતાઓ કૈલાશ પહોંચ્યા જ્યાં માતા પાર્વતીએ અનેક પ્રકારની વાનગીઓ બનાવી હતી. આ પછી માતા પાર્વતીએ બધાને ભોજન પીરસ્યું અને બધાએ ખૂબ જ ઉત્સાહથી ભોજન કર્યું. આ પછી માતા પાર્વતીએ બધા દેવી-દેવતાઓને કહ્યું કે, મીઠા વગરનું ભોજન ઉપવાસ સમાન માનવામાં આવે છે અને આવી સ્થિતિમાં બધા દેવી-દેવતાઓએ વ્રત રાખ્યું છે. ત્યારથી અષાઢ મહિનાના શુક્લ પક્ષના ત્રયોદશીના દિવસને જયા પાર્વતી વ્રત તરીકે ઉજવવામાં આવશે જેમાં મીઠાનું સેવન પ્રતિબંધિત રહેશે. ઉપવાસ દરમિયાન પૂરતું પાણી, નાળિયેર પાણી અથવા લીંબુ પાણી પીવું મહત્વપૂર્ણ છે. જેથી શરીર હાઇડ્રેટેડ રહે. જો તમને કોઈ સ્વાસ્થ્ય સમસ્યાઓ હોય તો ઉપવાસ કરતા પહેલા ડૉક્ટરની સલાહ લેવી સલાહભર્યું છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં અપાયેલી માહિતી જ્યોતિષ માન્યતાઓ, સામાન્ય માન્યતાઓ અને જાણકારીઓ પર આધારિત છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી. ઉલ્લેખનીય છે કે, આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.