નવી દિલ્હી, 21 નવેમ્બરઃ Delhi pollution: દેશની રાજધાની દિલ્હીમાં હવાની ગુણવત્તા સતત બગડી રહી છે અને હવે તે ‘શ્વાંસ રંધાઈ જાય તેવી’ બની રહી છે. એર ક્વોલિટી ઇન્ડેક્સ (AQI) સતત ‘ખૂબ જ ખરાબ’ શ્રેણીમાં રહેવાને કારણે, દિલ્હી સરકારે શાળાઓમાં તમામ પ્રકારની રમતગમત અને આઉટડોર પ્રવૃત્તિઓને તાત્કાલિક અસરથી રદ કરવાનો આદેશ આપ્યો છે.
સુપ્રીમ કોર્ટની ટકોર બાદ નિર્ણય
આ આદેશ સુપ્રીમ કોર્ટની ટકોરના એક દિવસ બાદ આવ્યો છે, જેમાં કોર્ટે કમિશન ફોર એર ક્વોલિટી મેનેજમેન્ટ (CAQM)ને નવેમ્બર અને ડિસેમ્બર મહિનામાં દિલ્હીની શાળાઓમાં રમતગમતની પ્રવૃત્તિઓ રોકવા માટે નિર્દેશો જારી કરવા પર વિચાર કરવા કહ્યું હતું.
દિલ્હીની હવાની ગુણવત્તા
રાષ્ટ્રીય રાજધાનીમાં શુક્રવારે હવાની ગુણવત્તા ‘ખૂબ જ ખરાબ’ શ્રેણીમાં રહી અને વાયુ ગુણવત્તા સૂચકાંક (AQI) 370 નોંધાયો, જે ગુરુવારે 391 હતો. સેન્ટ્રલ પોલ્યુશન કંટ્રોલ બોર્ડ (CPCB)ના આંકડા મુજબ, દિલ્હીના કુલ 23 મોનિટરિંગ સ્ટેશનોએ ‘ખૂબ જ ખરાબ’ હવાની ગુણવત્તા નોંધી, જ્યારે 13 સ્થળોએ પ્રદૂષણનું સ્તર ‘ગંભીર’ જોવા મળ્યું.
CAQMની એડવાઈઝરી
સુપ્રીમ કોર્ટના સૂચન બાદ, CAQMએ દિલ્હી-NCRની તમામ શાળાઓ, કોલેજો, યુનિવર્સિટીઓ અને રમતગમત સંઘો માટે એક એડવાઈઝરી જારી કરી છે. તેમાં કહેવાયું છે કે દિલ્હીમાં હવાની વર્તમાન ગુણવત્તા બાળકોના સ્વાસ્થ્ય માટે જોખમી છે અને તમામ પ્રકારની રમતગમત સ્પર્ધાઓને હાલ પૂરતી મુલતવી રાખવામાં આવે.
આ પણ વાંચોઃ BOI Recruitment: બેંક ઓફ ઈન્ડિયામાં 115 જગ્યા પર બમ્પર ભરતી, આ રીતે કરી શકશો અરજી?