અમદાવાદ, 30 ઓક્ટોબરઃ Bike Stunt: ગુજરાતી ફિલ્મ ‘મિસરી’ની સ્ટારકાસ્ટ અભિનેતા રોનક, અભિનેત્રી માનસી પારેખ અને જાણીતા અભિનેતા ટીકુ તલસાણિયા ફિલ્મના પ્રમોશન માટે અમદાવાદના જાહેર રસ્તા પર બાઈક સ્ટંટ કરવાના મામલે વિવાદમાં ફસાયા છે. આ ખતરનાક અને બેજવાબદાર સ્ટંટનો વીડિયો સોશિયલ મીડિયા પર વાઈરલ થયા બાદ અમદાવાદ પોલીસે આખરે કાર્યવાહી શરૂ કરી છે. જે બાદ બે અભિનેતા પોલીસ સમક્ષ હાજર થયા છે.
When reel life spills onto real roads!
A high-octane stunt from the Gujarati film Misri went viral — filmed right on Ahmedabad’s streets. While fans cheered, citizens questioned: if it wasn’t a movie team, would police stay silent? pic.twitter.com/Fxwotb2t9M— Our Ahmedabad (@Ourahmedabad1) October 30, 2025
કલાકારો દ્વારા જાહેર રસ્તા પર જીવ જોખમમાં મૂકીને કરવામાં આવેલા આ બાઈક સ્ટંટના વીડિયોએ સોશિયલ મીડિયા પર ભારે ટીકા જગાવી હતી. જો કે, વીડિયો વાઈરલ થયાના સમય બાદ પણ તુરંત પોલીસ કાર્યવાહી ન થતાં લોકોએ સોશિયલ મીડિયા પર પોલીસની ઢીલી નીતિ અને બેદરકારી પર ટિપ્પણીઓ કરવાનું શરૂ કર્યું હતું. લોકોના આ દબાણ અને સવાલો બાદ જ અમદાવાદ પોલીસ હવે હરકતમાં આવી હતી. ટ્રાફિક પોલીસે વાઈરલ વીડિયોના આધારે સ્ટંટ કરતા વ્યક્તિઓ સામે ગુનો નોંધ્યો હતો.
આ પણ વાંચોઃ Turmeric water: સવારે ખાલી પેટે પીઓ હળદરનું પાણી, નિયમિત સેવનથી થશે અનેક ફાયદા- વાંચો વિગત
સમગ્ર મામલે પોલીસે ગુનો નોંધ્યા બાદ અભિનેતા ટિકુ તલસાણિયા અને પ્રેમ ગઢવી A ડિવિઝન ટ્રાફિક પોલીસ સ્ટેશનમાં હાજર થયા હતા. પોલીસ સમન્સ બાદ બંનેની અહીં પૂછપરછ હાથ ધરવામાં આવી. પોલીસ અધિકારીઓના જણાવ્યા અનુસાર બંને અભિનેતાના નિવેદન નોંધી મોટર વ્હીકલ એક્ટ હેઠળ ધરપકડ કરવામાં આવશે.
મિસરી ફિલ્મની સ્ટારકાસ્ટ સામે ફરિયાદ નોંધાઈ
પ્રમોશન માટે સ્ટંટ ડ્રાઇવિંગ કરવા બદલ ફરિયાદ નોંધાઈ.
મુખ્ય હિરોઈન માનસી પારેખ છે જે પાર્થિવ ગોહિલમાં પત્ની છે (ભાજપ સાથે ઘરોબો) એમના પર કેમની કાર્યવાહી થશે એ જોવું રહ્યું 👀
આ વાહનચાલકોને આખું ગામ ઓળખે પણ પોલીસ ન ઓળખી શકી બોલો pic.twitter.com/jZrQalKBhJ
— Mahesh Rajgor (@themaheshrajgor) October 30, 2025
સોશિયલ મીડિયા પર વાયરલ થયેલા વીડિયોમાં કલાકારો સ્પોર્ટ્સ બાઇક પર અત્યંત જોખમી સ્ટંટ કરતા જોવા મળ્યા હતા. આ ઘટનામાં સૌથી ગંભીર બાબત એ હતી કે એક્ટ્રેસ માનસી પારેખ હેલ્મેટ પહેર્યા વગર ચાલુ બાઇકની પાછળ ઊભા થઈને સ્ટંટ કરી રહી હતી. તેમની સાથે અભિનેતા ટીકુ તલસાણિયા અને અભિનેતા રોનક પણ બાઇક પર સ્ટંટ કરતા દેખાયા હતા. જાહેર રસ્તા પર આ પ્રકારે સ્ટંટ કરીને કલાકારોએ માત્ર પોતાનો જીવ જ નહીં, પરંતુ અન્ય વાહનચાલકોનો જીવ પણ જોખમમાં મૂક્યો હતો.
આ પણ વાંચોઃ EPFO News: PF પગાર મર્યાદાને લઇ થઈ શકે છે નિયમોમાં મોટા ફેરફાર- વાંચો આ કામની ખબર