નવી દિલ્હી, 03 સપ્ટેમ્બરઃ Anti Rape Bill: પશ્ચિમ બંગાળ વિધાનસભાના બોલાવેલા ખાસ સત્રમાં આજે એટલે કે મંગળવારે બળાત્કાર વિરોધી બિલ રજૂ કરવામાં આવ્યું હતું, જેને સર્વસંમતિથી પસાર કરવામાં આવ્યું હતું. આ વિધેયકમાં બળાત્કાર અને પીડિતાના મૃત્યુના દોષિત વ્યક્તિને મૃત્યુદંડની જોગવાઈ કરવામાં આવી છે.
આ ઉપરાંત બળાત્કાર અને સામૂહિક બળાત્કારના દોષિતોને જામીન વિના જીવે ત્યાં સુધી આજીવન કેદની સજા આપવાની જોગવાઈ પણ કરવામાં આવી છે. વિધાનસભામાં બિલ પર ચર્ચા દરમિયાન પશ્ચિમ બંગાળના મુખ્યમંત્રી મમતા બેનર્જીએ આ બિલને ઐતિહાસિક ગણાવ્યું હતું. તેમણે કહ્યું કે બળાત્કારના દોષિતોને કડક સજા મળવી જોઈએ. વિધાનસભામાં આ બિલ પર ચર્ચા દરમિયાન ભાજપના ધારાસભ્યોએ પણ પોતાના વિચારો વ્યક્ત કર્યા હતા.
VIDEO | West Bengal CM Mamata Banerjee (@MamataOfficial) speaks in the state Assembly as the TMC government tables the anti-rape Bill.
Titled the ‘Aparajita Woman and Child Bill (West Bengal Criminal Laws and Amendment) Bill 2024,’ the legislation aims to strengthen protections… pic.twitter.com/wlgVrhtm9R
— Press Trust of India (@PTI_News) September 3, 2024
પશ્ચિમ બંગાળના મુખ્યમંત્રી મમતા બેનર્જીએ વિધાનસભામાં વિશેષ સત્ર બોલાવ્યું અને બળાત્કાર વિરોધી બિલ (અપરાજિતા મહિલા અને ચિલ્ડ્રન બિલ 2024) રજૂ કર્યું. જે બાદ વિધાનસભામાં આ બિલ પર ચર્ચા શરૂ થઈ હતી. સીએમ મમતાએ આ બિલને ઐતિહાસિક ગણાવ્યું છે. સીએમએ એમ પણ કહ્યું કે, અમે ઈચ્છીએ છીએ કે સીબીઆઈ ન્યાય આપે.
આ પણ વાંચોઃ Heavy Rain Prediction:ગુજરાતમાં ભારેથી અતિભારે વરસાદની આગાહી , આ જિલ્લાઓમાં રેડ-ઓરેન્જ એલર્ટ- વાંચો વિગત
મમતા સરકારના આ બિલને વિરોધ પક્ષ ભાજપે પણ સમર્થન આપ્યું છે. વિધાનસભામાં વિપક્ષના નેતા સુવેન્દુ અધિકારીએ કહ્યું કે, ભાજપ અપરાજિતા બિલનું સંપૂર્ણ સમર્થન કરે છે. અમે ઇચ્છીએ છીએ કે આ કાયદો જલદીથી લાગુ કરવામાં આવે. આ તમારી (મમતાબેનર્જીની સરકારની) જવાબદારી છે.
ભાજપે કહ્યું કે, અમે રાજ્યમાં આ કાયદાના અમલ પછી તેનું પરિણામ ઈચ્છીએ છીએ અને તે સુનિશ્ચિત કરવાની જવાબદારી રાજ્ય સરકારની છે. અમે તમને સંપૂર્ણ સમર્થન આપીએ છીએ. તેમણે એમ પણ કહ્યું કે, તમારે બાંહેધરી આપવી પડશે કે આ બિલ તરત જ લાગુ કરવામાં આવશે.
પશ્ચિમ બંગાળના મુખ્ય પ્રધાન મમતા બેનર્જીએ કહ્યું, હું સમગ્ર પશ્ચિમ બંગાળ વતી અપરાજિતા બિલનું સ્વાગત કરું છું. આ વિધેયકને ઐતિહાસિક ગણાવતા તેમણે કહ્યું કે, 3 સપ્ટેમ્બર, 1981ના રોજ યુએનએ મહિલાઓ સામેના અત્યાચારો સામે પગલાં લીધા અને મહિલાઓ સામેના ભેદભાવ અંગે સંમેલન શરૂ કર્યું.
સીએમ મમતા બેનર્જીએ કહ્યું કે, આ ઐતિહાસિક તારીખે, હું આ બિલને સ્વીકારવા માટે દરેકનું સ્વાગત કરું છું. તેણીએ એમ પણ કહ્યું કે હું પીડિતા પ્રત્યે મારી સંવેદના વ્યક્ત કરું છું જે આવા ગંભીર ગુનાઓને આધિન છે અને મૃત્યુ પામી છે.
મમતા બેનર્જીએ કોલકાતા રેપ મર્ડર કેસ અંગે કહ્યું કે, અમે બળાત્કારના દોષિતો સામે કડક કાર્યવાહીની માંગ કરીએ છીએ. આ એક ગંભીર ગુનો છે. તેમણે એમ પણ કહ્યું કે, એવો સમાજ ન હોઈ શકે જ્યાં મહિલાઓનું સન્માન ન થાય.
ઉલ્લેખનીય છે કે, બિલ રજૂ કર્યા બાદ સીએમ મમતા બેનર્જીએ વિપક્ષી પાર્ટી બીજેપીને કહ્યું, તમે બીજેપીના રાજ્યપાલ સી.વી. આનંદ બોઝને આ બિલ તાત્કાલિક પસાર કરવા કહો. તેમણે એમ પણ કહ્યું કે 2013 થી કેન્દ્ર સરકારે રાજ્યની તમામ ફાસ્ટ ટ્રેક કોર્ટ માટે ફંડ આપવાનું બંધ કરી દીધું છે. મુખ્યમંત્રીએ કહ્યું કે રાજ્યમાં 88 ફાસ્ટ ટ્રેક કોર્ટ અસ્તિત્વમાં છે.