અમદાવાદ, 09 મેઃ Unseasonal Rains: ગુજરાતમાં છેલ્લા કેટલાંક દિવસોથી માઉસમમાં અચાનક બદલાવ આવ્યા બાદ અનિશ્ચિત વરસાદી પરિસ્થિતિ સર્જાઈ છે. આ કમોસમી વરસાદે ખેડૂતોના ઊભા પાકને ભારે નુકસાન પહોંચાડ્યું છે. હવામાન વિશ્લેષક અંબાલાલ પટેલ દ્વારા કરાયેલા અનુમાન પ્રમાણે અને હવામાન વિભાગની તાજેતરની આગાહી અનુસાર, આગામી દિવસોમાં પણ રાજ્યના અનેક વિસ્તારોમાં વરસાદ પડતો રહેશે.
મેટેરોલોજિકલ વિભાગે જણાવ્યું છે કે ગુજરાતના સાબરકાંઠા, અરવલ્લી, મહેસાણા, અમદાવાદ, તાપી, ભરૂચ અને અમરેલી જિલ્લામાં મધ્યમથી ભારે વરસાદ પડવાની શક્યતા છે. સાથે જ દેવભૂમિ દ્વારકા, ગીરસોમનાથ, જામનગર અને પોરબંદરમાં વીજળી સાથે વરસાદ તેમજ ઝડપી પવન ફૂંકાવાની સંભાવના છે. રાજ્યમાં સામાન્ય રીતે 9 મે સુધી અનિયત વરસાદ પડવાની શક્યતા છે, જ્યાં ક્યાંક હળવો તો ક્યાંક ભારે વરસાદ થઈ શકે છે.
9 મે પછી રાજ્યમાં વરસાદનો intensity ઘટી શકે છે. 10 થી 12 મે દરમિયાન છૂટાછવાયો વરસાદ જોવા મળી શકે છે, જ્યારે હવામાન વિભાગે 13 મે પછી ગુજરાતમાં વરસાદ પૂર્ણપણે બંધ થવાની શક્યતા દર્શાવી છે.
આ પણ વાંચોઃ NOTAM: સુરક્ષાના ભાગ રુપે ગુજરાતના 7 એરપોર્ટ પર NOTAM જાહેર, કોઈ ફ્લાઇટ ઉડશે નહીં- વાંચો આ મહત્વની માહિતી
રાજ્યના મોટા ભાગના વિસ્તારમાં સવારે તાપમાનમાં વધારો જોવા મળશે, પરંતુ સાંજ પડતાં વાતાવરણમાં પલટો આવી શકે છે. ઘનઘોર વાદળો સાથે પવનની ગતિ વધશે અને ભારે પવનની સાથે વરસાદ શરૂ થશે. કેટલાક વિસ્તારોમાં મીની વાવાઝોડા જેવી સ્થિતિ પણ સર્જાઈ શકે છે. આ સમયે પવનની ઝડપ 50 થી 80 કિમી પ્રતિ કલાક સુધી જઇ શકે છે. ખાસ કરીને કચ્છ, સૌરાષ્ટ્ર અને દરિયાકાંઠાના વિસ્તારોમાં પવનની અસર વધુ રહેવાની શક્યતા છે.
છેલ્લા 48 કલાકમાં રાજ્યમાં ત્રીપલ એપર સાઇક્લોનિક સર્ક્યુલેશનની અસરને કારણે ભારે પવન અને વરસાદ થયો છે. રાજ્યમાં આ અસામાન્ય હવામાનને કારણે અત્યાર સુધીમાં 21થી વધુ લોકોના મૃત્યુ થયા છે, જ્યારે 20થી વધુ લોકોને ઈજાઓ પહોંચી છે. ઉત્તર ગુજરાતના વિસ્તારોમાં ખાસ કરીને 45થી વધુ પશુઓના મૃત્યુ થયા છે.
હવામાન વિભાગે વડોદરા, ભરૂચ, સાબરકાંઠા, અરવલ્લી, નર્મદા અને સુરત જિલ્લામાં અતિ ભારે વરસાદની ચેતવણી આપી છે, જેને લીધે પૂર જેવી પરિસ્થિતિ સર્જાઇ શકે છે. નવસારી, ડાંગ અને કચ્છમાં મધ્યમ વરસાદની શક્યતા દર્શાવવામાં આવી છે. છેલ્લા 24 કલાકમાં રાજ્યના 191 તાલુકાઓમાં વરસાદ નોંધાયો છે, જે હવામાન વિભાગના આગાહી અનુરૂપ છે.
આ પણ વાંચોઃ IPL 2025: IPL ને લઈને BCCIએ લીધો મોટો નિર્ણય, ટુર્નામેંટ અચોક્કસ મુદત માટે સ્થગિત કરવાનુ એલાન – વાંચો વિગત