ઓટો ડેસ્ક, 18 નવેમ્બર : Honda Activa EV: દેશનું પ્રથમ ઇલેક્ટ્રિક સ્કૂટર ભારતમાં 27મી નવેમ્બરે લૉન્ચ થવા જઈ રહ્યું છે. કંપનીએ આ નવા સ્કૂટરનું ટીઝર પહેલા જ રિલીઝ કરી દીધું છે. પરંતુ કંપનીએ હજુ એ નથી જણાવ્યું કે નવું સ્કૂટર માત્ર એક્ટિવા હશે કે નવા નામ સાથે આવશે. પરંતુ તેનું નામ પણ આગામી દિવસોમાં જાહેર કરવામાં આવશે. આ નવા સ્કૂટરની કિંમત અને રેન્જ જાહેર કરવામાં આવી છે. જો તમે પણ આ સ્કૂટરની રાહ જોઈ રહ્યા છો? તો ચાલો જાણીએ આ સ્કૂટર વિશે…
સૂત્ર અનુસાર, હોન્ડાના નવા ઇલેક્ટ્રિક(Honda Activa EV) સ્કૂટરની કિંમત 1.20 લાખ રૂપિયા સુધી હોઈ શકે છે. એટલું જ નહીં, આ સ્કૂટર સિંગલ ચાર્જ પર 100-110kmની રેન્જ આપી શકે છે. હાલમાં તેની બેટરીને લઈને કોઈ અપડેટ પ્રાપ્ત થયું નથી. જો મીડિયા રિપોર્ટ્સ અને સૂત્રોનું માનીએ તો નવું સ્કૂટર Activa EV હશે. પરંતુ તે નવી ડિઝાઇન અને સુવિધાઓ સાથે આવશે. હાલના પેટ્રોલ સ્કૂટરની સરખામણીમાં તે વધુ એડવાન્સ ફીચર્સ સાથે આવશે. સ્પેસનું પણ સંપૂર્ણ ધ્યાન રાખવામાં આવશે. વસ્તુઓ રાખવા માટે તેમાં નાનો સ્ટોરેજ પણ મળી શકે છે.
The Honda Activa Electric is launching in India on 27th November. pic.twitter.com/DM1dnByih5
— Utsav Techie (@utsavtechie) November 15, 2024
આ પણ વાંચોઃ Vadodra: વડોદરામાં પૂર્વ કોર્પોરેટરના પુત્રની સયાજી હોસ્પિટલમાં પોલીસની હાજરીમાં થઇ હત્યા- વાંચો વિગત
ગયા વર્ષે, Hondaને EV સેગમેન્ટમાં બે નવા સ્કૂટર લૉન્ચ કરવાની જાણકારી આપવામાં આવી હતી. આમાંથી એક સ્કૂટર ફિક્સ્ડ બેટરી સાથે અને બીજું રિમૂવેબલ બેટરી સાથે માર્કેટમાં લોન્ચ થશે. પરંતુ એવું માનવામાં આવે છે કે ભારતમાં લોન્ચ થનારું પ્રથમ ઇલેક્ટ્રિક સ્કૂટર ફિક્સ્ડ બેટરીથી સજ્જ હશે. જ્યારે રિમૂવેબલ બેટરીવાળું સ્કૂટર થોડા સમય પછી લોન્ચ થઈ શકે છે.
Honda એ તેનું નવું ઇલેક્ટ્રિક સ્કૂટર EICMA 2024માં રજૂ કર્યું. હોન્ડાના આ ઇલેક્ટ્રિક સ્કૂટરને પાવર કરવા માટે બે રિમૂવેબલ બેટરી પેકનો ઉપયોગ કરવામાં આવ્યો છે. કંપનીનો દાવો છે કે તે ફુલ ચાર્જ પર 100-110kmની રેન્જ આપશે. ગયા વર્ષે ટોક્યો મોટર શોમાં પણ આ મોડલનો કોન્સેપ્ટ બતાવવામાં આવ્યો હતો.
Hondaનું નવું ઇલેક્ટ્રિક સ્કૂટર Ola S1, TVS iQube, Ather Rizta, 450, અને Bajaj Chetak EV સાથે સીધી સ્પર્ધા કરશે. હાલમાં આ સ્કૂટરની કિંમત અંગે કોઈ માહિતી મળી નથી. આ સ્કૂટરમાં ડિજિટલ ડિસ્પ્લે હશે જે ઘણા એડવાન્સ ફીચર્સ સાથે આવશે.