નવી દિલ્હી, 01 જાન્યુઆરીઃ Vande Bharat Sleeper Train: નવા વર્ષના પહેલા જ દિવસે મોદી સરકારે દેશવાસીઓને મોટી ભેટ આપી છે. રેલ મંત્રાલયે દેશની પહેલી વંદે ભારત સ્લીપર ટ્રેનના રૂટની સત્તાવાર જાહેરાત કરી દીધી છે. દેશની પહેલી વંદે ભારત સ્લીપર ટ્રેન ગુવાહાટીથી કોલકાતા સુધી દોડશે. આ ટ્રેનનું ટૂંક સમયમાં વડાપ્રધાન નરેન્દ્ર મોદી દ્વારા ઉદ્ઘાટન થવાની સંભાવના છે.
રેલ મંત્રી અશ્વિની વૈષ્ણવે જણાવ્યું છે કે, આ વંદે ભારત સ્લીપર ટ્રેન પૂર્વ ભારત માટે ગેમચેન્જર સાબિત થશે. આ ટ્રેન પશ્ચિમ બંગાળ અને આસામના અનેક મહત્વના શહેરોને જોડશે. તાજેતરમાં જ સ્વદેશી ટેકનોલોજીથી બનેલી આ ટ્રેનનો કોટા–નાગદા સેક્શન પર 180 કિમી પ્રતિ કલાકની ગતિ સાથે સફળ હાઈ-સ્પીડ ટ્રાયલ પૂર્ણ થયો છે, જે રેલવે સુરક્ષા કમિશનરની દેખરેખ હેઠળ યોજાયો હતો.
#WATCH | Delhi: Railways Minister Ashwini Vaishnaw says, “The complete testing and certification of the Vande Bharat sleeper train has been completed. Its first route is proposed to be Guwahati–Kolkata. Prime Minister Narendra Modi will flag off the first Vande Bharat sleeper… pic.twitter.com/p2tKGBDRD8
— ANI (@ANI) January 1, 2026
રેલ મંત્રીએ વધુમાં જણાવ્યું કે, આગામી 6 મહિનામાં 8 વંદે ભારત સ્લીપર ટ્રેનો પાટા પર દોડતી જોવા મળશે, જ્યારે વર્ષના અંત સુધીમાં 12 ટ્રેનો શરૂ કરવાની યોજના છે. તેમણે જણાવ્યું કે, આસામથી નીકળતી ટ્રેનમાં સ્થાનિક ભોજન મળશે, જ્યારે કોલકાતાથી નીકળતી ટ્રેનમાં બંગાળી ભોજન મળશે. ચાલો જાણીએ દેશની પહેલી વંદેભારત સ્લીપર ટ્રેનનો રૂટ અને ભાડું શું હશે.
દેશની પહેલી વંદે ભારત સ્લીપર ટ્રેન કોલકાતા-ગુવાહાટી રૂટ પર દોડશે. આ ટ્રેન આખા બંગાળ અને આસામને કવર કરશે. ટ્રેનમાં કુલ 16 કોચ હશે, જેમાં 11 થર્ડ એસી કોચ, 4 સેકન્ડ એસી કોચ અને 1 ફર્સ્ટ એસી કોચ હશે. આ ટ્રેનમાં કુલ 823 મુસાફરો એક સાથે આરામથી મુસાફરી કરી શકશે.
આ પણ વાંચોઃ Rashifal 2026: રાશિ આધારિત જાણો કેવુ રહેશે તમારુ 2026નું નવુ વર્ષ ?- કઇ છે તમારી રાશિ
આધુનિક સુવિધાઓથી સજ્જ સ્લીપર ટ્રેન –
વંદે ભારત સ્લીપર ટ્રેનને ખાસ કરીને લાંબા અંતરના આરામદાયક પ્રવાસ માટે ડિઝાઇન કરવામાં આવી છે. આ એક સેમી હાઈ-સ્પીડ ટ્રેન છે, જેની ડિઝાઈન સ્પીડ 180 કિલોમીટર પ્રતિ કલાક છે. આમાં મુસાફરો માટે આરામદાયક અને મુલાયમ બર્થ લગાવવામાં આવ્યા છે. કોચની વચ્ચે આવવા-જવા માટે ઓટોમેટિક દરવાજા અને વેસ્ટિબ્યુલની સુવિધા છે. સારા સસ્પેન્શન અને ઓછા અવાજને કારણે ટ્રેનમાં મુસાફરી વધારે શાંત અને આરામદાયક હશે.
The first Vande Bharat sleeper train will run from Guwahati to Kolkata. Prime Minister Narendra Modi will flag off the train on this route in the coming days. The inauguration is expected to take place within the next 15-20 days, around January 17-18.
The fare for the Vande… pic.twitter.com/ZBsqyY2rl9
— ANI (@ANI) January 1, 2026
ટ્રેનમાં કવચ સુરક્ષા સિસ્ટમ અને ઇમરજન્સી ટોક-બેક સુવિધા છે. જેનાથી સુરક્ષા ઘણી વધી જાય છે. આ ઉપરાંત આ ટ્રેનમાં સાફ-સફાઈ માટે ડિસઇન્ફેક્ટન્ટ ટેકનોલોજીનો ઉપયોગ કરવામાં આવ્યો છે. લોકો પાયલટ માટે આધુનિક કંટ્રોલ અને સેફ્ટી સિસ્ટમવાળું એડવાન્સ ડ્રાઈવર કેબિન બનાવવા આવ્યું છે.
ક્યારથી દોડશે આ ટ્રેન?
મીડિયા રિપોર્ટ્સ અનુસાર જાન્યુઆરીમાં જ વંદે ભારત સ્લીપર ટ્રેનનું ઉદ્ઘાટન થવાની સંભાવના છે. આગામી 15થી 20 દિવસમાં, એટલે કે 17 અથવા 18 જાન્યુઆરીએ, વડાપ્રધાન નરેન્દ્ર મોદી ટ્રેનને લીલી ઝંડી બતાવી શકે છે.
વંદે ભારત સ્લીપરનું કેટલું હશે ભાડું?
વંદે ભારત સ્લીપર ટ્રેનનું ભાડું સામાન્ય સ્લીપર ટ્રેનો કરતા વધુ હશે, પરંતુ સુવિધાઓને જોતા યોગ્ય ગણાય છે. (થર્ડ એસી: ₹2300, સેકન્ડ એસી: ₹3000, ફર્સ્ટ એસી: ₹3600 હશે)
આ પણ વાંચોઃ Rule Change: નવા વર્ષે મોંઘવારીનો માર, આજથી 5 મોટા ફેરફાર- તમારા ખિસ્સાને થશે મોટી અસર!