નવી દિલ્હી, 11 ડિસેમ્બરઃ SIR Deadline extended: ચૂંટણી પંચે ગુજરાત, મધ્ય પ્રદેશ, તમિલનાડુ અને ઉત્તર પ્રદેશ સહિત કુલ છ રાજ્યોમાં ચાલી રહેલી SIRની પ્રક્રિયા માટે સમયમર્યાદા લંબાવી દીધી છે. મુખ્ય ચૂંટણી અધિકારીઓ તરફથી મળેલી વિનંતીઓ બાદ, EC એ તમિલનાડુ, ગુજરાત, મધ્ય પ્રદેશ, છત્તીસગઢ, ઉત્તર પ્રદેશ અને આંદામાન નિકોબાર ટાપુઓ માટે SIRનું સુધારેલું શેડ્યુલ જાહેર કર્યું છે.
હવે ગુજરાતમાં SIR ફોર્મ ભરવાની છેલ્લી તારીખ 11 ડિસેમ્બરથી લંબાવીને 14 ડિસેમ્બર કરવામાં આવી છે. જ્યારે ડ્રાફ્ટ મતદાર યાદી જાહેર કરવાની તારીખ 16 ડિસેમ્બરને બદલે 19 ડિસેમ્બર કરવામાં આવી છે.
ECI Revises Schedule for Special Intensive Revision (SIR) of Electoral Rolls in 6 States/UT.
Read more: https://t.co/UlUowsdSKF pic.twitter.com/RhEHrHwRmd
— Election Commission of India (@ECISVEEP) December 11, 2025
આ પણ વાંચોઃ Latest ODI Rankings: આઈસીસી ODI રેન્કિંગમાં વિરાટ કોહલી બન્યો નંબર 2 બેટ્સમેન, રોહિત શર્મા નંબર 1 પર યથાવત
ગુજરાત, તમિલનાડુ, મધ્ય પ્રદેશ, છત્તીસગઢ, આંદામાન નિકોબાર ટાપુ, ઉત્તર પ્રદેશમાં અગાઉ ફૉર્મ ભરવાની છેલ્લી તારીખ 11 ડિસેમ્બર જ્યારે ડ્રાફ્ટ યાદી રજૂ કરવાની તારીખ 16 ડિસેમ્બર હતી. જોકે હવે જુદા જુદા રાજ્યો માટે જરૂરિયાત મુજબ જુદી જુદી તારીખ નક્કી કરવામાં આવી છે.
આ રાજ્યોમાં ફૉર્મ ભરવાનો આજે છેલ્લો દિવસ
ગોવા, પોંડિચેરી, લક્ષદ્વીપ, રાજસ્થાન અને પશ્ચિમ બંગાળમાં આજે ફૉર્મ ભરવાનો છેલ્લો દિવસ છે. જ્યારે 16 તારીખે ડ્રાફ્ટ યાદી જાહેર કરાશે. આ રાજ્યોની તારીખમાં ફેરફાર કરાયો નથી. કેરળમાં ફૉર્મ ભરવાની છેલ્લી તારીખ 18 ડિસેમ્બર, જ્યારે ડ્રાફ્ટ યાદી રજૂ કરવાની તારીખ 23 ડિસેમ્બર અગાઉ નક્કી કરવામાં આવી હતી. જેમાં કોઈ ફેરફાર કરાયો નથી.
આ પણ વાંચોઃ Arunachal Accident: અરુણાચલ પ્રદેશમાં ખતરનાક પર્વતીય વળાંક પર અકસ્માત, 17ના મોતની આશંકા