અમદાવાદ, 30 ઓક્ટોબરઃ Railway Bharti: રેલવેમાં સરકારી નોકરીનું સપનું જોઈ રહેલા યુવાનો માટે ખુશ ખબર છે. રેલવેમાં 28 ઓક્ટોબરથી આરઆરબી એનટીપીસી અંડર ગ્રેજ્યુએટ લેવલ ભરતી માટે અરજી પ્રક્રિયા શરૂ થઈ ગઈ છે. આ માટે આરઆરબી દ્વારા કુલ 3060 જગ્યાઓ પર ભરતી પ્રક્રિયા હાથ ધરવામાં આવી છે. યોગ્ય અને ઇચ્છુક ઉમેદવાર ભરતીમાં ભાગ લેવા માટે સત્તાવાર આરઆરબી વેબસાઇટ rrbapply.gov.in પર જઈને ઓનલાઈન અરજી કરી શકે છે. આ ભરતી માટે ફોર્મ ભરવાની છેલ્લી તારીખ 27 નવેમ્બર 2025 છે.
1. કુલ પદ અને લાયકાત
આ ભરતીમાં ચાર મુખ્ય પદોનો સમાવેશ થાય છે:
(ક) કમર્શિયલ કમ ટિકિટ ક્લર્ક (CCTC) – 2424 પદ
લાયકાત: ઓછામાં ઓછા 50% ગુણ સાથે 12મું પાસ. જોકે, SC/ST/દિવ્યાંગ ઉમેદવારો માટે માત્ર 12મું પાસ પૂરતું છે, 50% ગુણની શરત લાગુ નહીં થાય.
(ખ) એકાઉન્ટ્સ ક્લર્ક કમ ટાઇપિસ્ટ – 394 પદ
આ પણ વાંચોઃ FASTag: આવતી કાલથી બંધ થઇ જશે ફાસ્ટેગ? જાણી લો સરકારે બનાવેલો આ નવો નિયમ
લાયકાત: ઓછામાં ઓછા 50% ગુણ સાથે 12મું પાસ. સાથે જ કમ્પ્યુટર પર 30 શબ્દ પ્રતિ મિનિટ અંગ્રેજી ટાઇપિંગ અથવા 25 શબ્દ પ્રતિ મિનિટ હિન્દી ટાઇપિંગ જરૂરી.
(ગ) જુનિયર ક્લર્ક કમ ટાઇપિસ્ટ – 163 પદ
લાયકાત: ઓછામાં ઓછા 50% ગુણ સાથે 12મું પાસ અને જરૂરી ટાઇપિંગ સ્કિલ.
(ઘ) ટ્રેન ક્લર્ક (TC) – 77 પદ
લાયકાત: ઓછામાં ઓછા 50% ગુણ સાથે 12મું પાસ. જોકે, SC/ST/દિવ્યાંગ ઉમેદવારો માટે માત્ર 12મું પાસ પૂરતું છે.
रेलवे में नौकरी का सुनहरा अवसर, RRB NTPC भर्ती 2025 के लिए आवेदन शुरू I
उम्मीदवार RRB की आधिकारिक वेबसाइट पर जाकर ऑनलाइन आवेदन कर सकते हैं।
*बिचौलियों से सावधान*Follow @RSBPrayagRaj for More Updates/information of Indian Railways. pic.twitter.com/T7k2krZ92c
— Rail Samachar Bureau (@RSBPrayagRaj) October 30, 2025
2. ઉંમર મર્યાદા
ન્યૂનતમ ઉંમર: 18 વર્ષ
મહત્તમ ઉંમર: 30 વર્ષ (1 જાન્યુઆરી 2026 સુધી)
છૂટ: SC/ST માટે 5 વર્ષ, OBC માટે 3 વર્ષની મહત્તમ ઉંમર મર્યાદામાં છૂટ.
3. પસંદગી પ્રક્રિયા
આ ભરતીમાં ઉમેદવારોની પસંદગી બે તબક્કાની કમ્પ્યુટર આધારિત પરીક્ષા (CBT) દ્વારા કરવામાં આવશે.
CBT-1 (પ્રથમ તબક્કો)
બધા પદો માટે સમાન પરીક્ષા.
સમય: 90 મિનિટ
કુલ પ્રશ્નો: 100
જનરલ અવેરનેસ (General Awareness): 40 પ્રશ્નો
મેથ (Math): 30 પ્રશ્નો
રીઝનિંગ (Reasoning): 30 પ્રશ્નો
નેગેટિવ માર્કિંગ: દરેક ખોટા જવાબ પર 1/3 ગુણ કાપવામાં આવશે.
CBT-2 (બીજો તબક્કો)
પ્રથમ તબક્કાના નોર્મલાઇઝ્ડ સ્કોરના આધારે ઉમેદવારોને શોર્ટલિસ્ટ કરવામાં આવશે.
કુલ પ્રશ્નો: 120
જનરલ અવેરનેસ (General Awareness): 50
મેથ (Math): 35
રીઝનિંગ (Reasoning): 35
બીજા તબક્કા પછી ટાઇપિંગ ટેસ્ટ તે પદો માટે થશે જેમાં ટાઇપિંગ જરૂરી છે (જેમ કે એકાઉન્ટ્સ ક્લર્ક અને જુનિયર ક્લર્ક).
4. અન્ય મહત્વપૂર્ણ બાબતો
RRB-વાઇઝ શોર્ટલિસ્ટિંગ ખાલી જગ્યાના 15 ગણા ઉમેદવારોના પ્રમાણમાં કરવામાં આવશે. બધા પદો માટે CBT 1 અને CBT 2 કોમન હશે. ટાઇપિંગ સ્કિલ ટેસ્ટ માત્ર લાયક ઉમેદવારો માટે જરૂરી હશે.
આ રીતે કરો અરજી
ઉમેદવારો આ સત્તાવાર વેબસાઇટ rrbapply.gov.in પર જઈને 27 નવેમ્બર 2025 સુધી અરજી કરી શકે છે. વેબસાઇટ પર એપ્લિકેશન લિંક સક્રિય કરી દેવામાં આવી છે. ઉમેદવારોને સલાહ આપવામાં આવે છે કે તેઓ અરજી કરતા પહેલા સત્તાવાર નોટિફિકેશન ધ્યાનથી વાંચે અને બધા જરૂરી દસ્તાવેજો તૈયાર રાખે.
આ પણ વાંચોઃ Dev Uthani Ekadashi: દેવઉઠી અગિયારસના દિવસે આ 5 ઉપાય કરવાથી જીવનમાં રહેલી તકલીફો થશે દૂર- વાંચો વિગત