મુંબઇ, 22 જુલાઇ: Rupali ganguly: ‘અનુપમા’ સિરિયલથી રૂપાલી ગાંગુલીને નવી ઓળખ મળી. આ સિરિયલે તેના કરિયરને નવી ઉડાન આપી અને તેને એક અલગ જ સ્તરે પહોંચાડી. નાના પડદા પર ભારે લોકપ્રિયતા મેળવનાર રૂપાલી ગાંગુલીએ રાજકારણમાં પણ પગ મૂક્યો. રાજકારણ તરફ વળવા માટે અભિનેત્રી ભાજપમાં જોડાઈ અને ભાજપના સભ્ય બન્યા બાદ રૂપાલી સતત પશ્ચિમ બંગાળ સરકાર અને મમતા બેનર્જી પર નિશાન સાધે છે.
Before shedding crocodile tears for Bengalis in other states, Mamata Didi must answer who will protect Bengalis in West Bengal itself?
From Sandeshkhali to Murshidabad, the only atrocities on Bengalis are happening under her watch. Bengal has never been more unsafe for its own… https://t.co/c70IVUbNCl
— Rupali Ganguly (@TheRupali) July 19, 2025
થોડા સમય પહેલા રૂપાલી ગાંગુલીએ પશ્ચિમ બંગાળ સરકાર પર નિશાન સાધ્યું હતું અને મમતા બેનર્જીના કામ અને તેના રાજ્યમાં કથળતી કાયદો અને વ્યવસ્થાની સ્થિતિ પર કટાક્ષ કર્યો હતો. તેમણે પોતાના ટ્વિટમાં લખ્યું હતું કે, ‘બીજા રાજ્યોમાં બંગાળીઓ માટે મગરના આંસુ વહાવતા પહેલા, મમતા દીદીએ જવાબ આપવો જોઈએ કે પશ્ચિમ બંગાળમાં બંગાળીઓનું રક્ષણ કોણ કરશે? સંદીશખલીથી મુર્શિદાબાદ સુધી, બંગાળીઓ પર અત્યાચાર ફક્ત તેમના શાસનમાં જ થઈ રહ્યા છે. બંગાળ તેના લોકો માટે ક્યારેય આટલું અસુરક્ષિત રહ્યું નથી’.
Isn’t your so-called ‘senior-most stateswoman’ a public servant, or she’s a dictator who can’t be questioned.
But if you’ve already accepted her tyranny instead of her duty to the people, then congratulations on embracing dictatorship. Classic TMC behaviour! https://t.co/o5XGloU9yQ— Rupali Ganguly (@TheRupali) July 20, 2025
ટીએમસી નેતા નીલાંજન દાસે રૂપાલી ગાંગુલીના આ ટ્વીટ પર તીખી પ્રતિક્રિયા આપી અને લખ્યું, ‘ભારતની સૌથી વરિષ્ઠ મહિલા નેતાને ફ્લોપ સોપ અભિનેત્રીના લેક્ચરની જરૂર નથી’. નીલાંજન દાસ તરફથી ફ્લોપ અભિનેત્રી શબ્દ સાંભળીને રૂપાલી ગાંગુલી ગુસ્સે થઈ ગઈ અને તેમણે રાજકારણીને યોગ્ય જવાબ આપ્યો.
રૂપાલી ગાંગુલીએ રાજકારણી નીલાંજન દાસના ટ્વીટને રીટ્વીટ કર્યું અને લખ્યું, ‘શું તમારા કહેવાતા ‘સૌથી વરિષ્ઠ મહિલા નેતા’ જાહેર સેવક નથી, અથવા તે એક તાનાશાહ છે જેની પૂછપરછ કરી શકાતી નથી? પરંતુ જો તમે પહેલાથી જ તેની તાનાશાહી સ્વીકારી લીધી છે, તો તાનાશાહી અપનાવવા બદલ અભિનંદન. ક્લાસિક TMC વ્યવહાર’.
ઘણા સોશિયલ મીડિયા યૂઝર્સે રૂપાલીને ટેકો આપ્યો. એક ચાહકે લખ્યું, ‘રુપાલી, તમે એક સફળતાની કહાની છો. X પર પણ તમારી રમતમાં સુધારો થયો છે.’ બીજાએ કહ્યું, ‘મેરી સેવેજ ક્વીન વાપસ આ ગઈ છે.’
મે 2024માં લોકસભા ચૂંટણી પહેલા રૂપાલી ગાંગુલી ભારતીય જનતા પાર્ટી (ભાજપ)માં જોડાઈ હતી. આ અભિનેત્રી તેના શાનદાર અભિનય અને લોકપ્રિય ટીવી શો ‘સંજીવની’ અને ‘સારાભાઈ વર્સિસ સારાભાઈ’માં યાદગાર પાત્રો માટે જાણીતી છે. રૂપાલી ગાંગુલીએ 1985માં ‘સાહેબ’ માં બાળ કલાકાર તરીકે પોતાની કારકિર્દીની શરૂઆત કરી હતી. અનુપમાએ તેને ટીવી પર મુખ્ય અભિનેત્રી તરીકે સ્થાપિત કરી.